பட வாய்ப்புகள் குறைந்ததால் நடிகை அசின் டி.வி.க்கு மாறினார்: ரசிகர்களுடன் கலந்துரையாடும் நிகழ்ச்சி நடத்துகிறார்

தமிழில் முன்னணி நடிகையாக இருந்த அசின் கஜினி படம் மூலம் இந்திக்கு
போனார். தமிழில் இருந்து இந்தியில் ரீமேக் செய்யப்பட்ட அப்படத்தில்
அமீர்கான் ஜோடியாக நடித்து உலகம் முழுவதும் பிரபலமானார். அப்படம்
ஹிட்டானதால் அசினுக்குஇந்திப் பட வாய்ப்புகள் குவிந்தன. முன்னணி
ஹீரோக்கள் அசினுடன் ஜோடி சேர போட்டி போட்டனர்.
லண்டன் டிரீம்ஸ், ரெடி படங்களில் சல்மான்கான் ஜோடியாகநடித்தார். தற்போது
அக்ஷய் குமாருடன் ஹவுஸ் புல். 2 படத்தில் நடிக்கிறார். லண்டன் டிரீம்ஸ்
படம் தோல்வி அடைந்ததால் அசின் செல்வாக்கு சரிந்துள்ளது. கத்ரினாகயூப்,
கரீனா கயூப், பிரியங்கா சோப்ரா, வித்யாபாலன் ஆகியோர் இந்தியில்முன்னணி
நடிகையாக உள்ளனர்.
அவர்கள் நடிக்கும் படங்கள் தொடர்ச்சியாக ஹிட்டாகியது. அவர்களுடன்
போட்டியிட்டு மார்க்கெட்டை தக்க வைப்பது அசினுக்கு சவாலாக உள்ளது. பட
வாய்ப்புகளும் குறைந்து விட்டன. இதையடுத்து அசின் சின்னத்திரைக்கு
வருகிறார். யு.டி.வி. சார்பில் தயாராகும் சூப்பர் ஸ்டார் சாந்தா என்ற
நிகழ்சியில் பங்கேற்க அசின் சம்மதித்து உள்ளார்.
ரசிகர்களுடன் அசின் கலந்துரையாடுவது போல் இந்த நிகழ்ச்சி
தயாரிக்கப்படுகிறது.இதில் ரசிகர்களுடன் நேரடியாக அசின் கேள்விகள்
கேட்கிறார். இந்த நிகழ்ச்சி ரசிகர்களுடன் நட்பு ரீதியிலான இணக்கத்தை
ஏற்படுத்தும் என்று அசின் கூறினார்.
Link to this page
கருத்தை பதிவு செய்யுங்கள்