கழிவறை பற்றிய நரேந்திர மோடியின் பேச்சுக்கு காங்கிரஸ் பதிலடி
by veni
Tamil news, Tamil culture, செய்திகள் ...Yesterday,
நரேந்திர மோடியின் கழிவறை பற்றிய பேச்சுக்கு காங்கிரஸ் கட்சி பதிலடி கொடுத்து உள்ளது.
நரேந்திர மோடி பேச்சு
குஜராத் முதல்–மந்திரியும், பாரதீய ஜனதா பிரதமர் வேட்பாளருமான நரேந்திர மோடி, டெல்லியில் உள்ள தியாகராஜா உள் விளையாட்டு அரங்கில் நடைபெற்ற கூட்டம் ஒன்றில் கலந்து கொண்டு பேசினார்.
அப்போது, ''என்னை எல்லோரும் இந்துத்வா தலைவர் என்ற கண்ணோட்டத்தில்தான் பார்க்கிறார்கள். ஆனால் உண்மையில் நான் எத்தகைய சிந்தனை கொண்டவன் என்பதை இப்போது சொல்கிறேன். முதலில் கழிவறை கட்டவேண்டும். அதன்பிறகுதான் சாமி கும்பிட கோவில் கட்ட வேண்டும்'' என்று அவர் கூறினார். இந்தியாவில் ஒவ்வொரு கிராமத்திலும் கோவில் இருப்பதாகவும், ஆனால் நல்ல கழிவறை வசதி இல்லை என்றும், இந்த நிலை மாறவேண்டும் என்றும் அப்போது அவர் கூறினார்.
காங்கிரஸ் விமர்சனம்
கழிவறை வசதி பற்றிய நரேந்திர மோடியின் இந்த பேச்சை காங்கிரஸ் கடுமையாக விமர்சித்து இருக்கிறது.
இதுபற்றி அக்கட்சியைச் சேர்ந்த மத்திய மந்திரி ராஜீவ் சுக்லா கூறியதாவது:–
நரேந்திர மோடி இந்துத்வா தலைவர் அல்ல. இந்துக்களுக்காக எதுவும் செய்யவும் இல்லை. ஆனால் இந்துக்களை தவறாக வழிநடத்தி அவர்களுடைய வாக்குகளை பெறும் நோக்கத்தில் அவர் இந்துத்வா தலைவராக முன்னிலைப்படுத்தப்படுகிறார்.
பா.ஜனதாவுக்கு கேள்வி
மத்திய மந்திரி ஜெய்ராம் ரமேஷ் முன்பு ஒருமுறை பேசும் போது, கிராமங்களில் கோவில்கள் கட்டுவதை விட முதலில் கழிவறைகள்தான் கட்ட வேண்டும் என்று கூறினார். அப்போது அதை வன்மையாக கண்டித்த பாரதீய ஜனதா, அவர் தனது பேச்சுக்காக நாட்டு மக்களிடம் மன்னிப்பு கேட்க வேண்டும் என்றும் கோரியது. ஆனால் இப்போது நரேந்திர மோடி பேசி இருப்பது பற்றி பாரதீய ஜனதா வாயை திறக்காமல் மவுனமாக இருப்பது ஏன்?
இவ்வாறு ராஜீவ் சுக்லா கூறினார்.
இதேபோல் காங்கிரஸ் பொதுச்செயலாளர் திக்விஜய் சிங்கும், நரேந்திர மோடியின் பேச்சுக்கு எதிர்ப்பு தெரிவித்து உள்ளார்.
The post கழிவறை பற்றிய நரேந்திர மோடியின் பேச்சுக்கு காங்கிரஸ் பதிலடி appeared first on ekuruvi is a tamil news Portal offering online tamil news.
Show commentsOpen link
Post a Comment