வைரஸ் பாதிப்பால் இன்டர்நெட் பார்ப்பதில் தடை ஏற்பட வாய்ப்பு

Sunday, 8 July 2012

இந்தியாவில் டிஎன்எஸ் சேஞ்சர் வைரஸ் பாதித்த ஆயிரக்கணக்கான கம்ப்யூ ட்டர்களில், இன்று முதல் இன்டர்நெட் பார்ப்பதில் தடை ஏற்படலாம் என இணையதள பாதுகாப்பு நிறுவனம் மெக்அபி தெரிவித்துள்ளது. டிஎன்எஸ் சேஞ்சர் வைரஸ் என்பது மால்வேர் என அழைக்கப்படும் கம்ப்யூட்டர் சாப்ட்வேர் புரோக்ராம். இந்த புரோக்ராம், ப� ��ரும்பாலும் ஆபாச வெப்சைட்கள் மூலமாகத்தான் பரப்பப்படுகின்றன. இந்த சாப்ட்வேரை 

பயன்படுத்தினால்தான் வீடியோ காட்சிகளை பார்க்க முடியும் என தெரிவிக்கப்படும். இதை இன்ஸ்டால் செய்யும்போது, நமது கம்ப்யூட்டர்களின் டிஎன்எஸ் (டொமைன் நேம் சிஸ்டம்) மாற்றியமைக்கப்படுகிறது.

இதன்பின், நாம் ஒரு வெப்சைட் முகவரியை டைப் செய்தால், அது மற்ற போலி வெப்சைட்டுக� �ுக்கு செல்லும். இதனால் நாம் விரும்பும் வெப்சைட்களை பார்க்க முடியாது. முறைகேடான வழியில் விளம்பர வருவாயை தேடி கொள்வதற்காக இதுபோன்ற மால்வேர்களை சில நிறுவனங்கள் உருவாக்கி இன்டர்நெட் மூலமாக பரப்புகின்றன. இதன்மூலம், அந்த நிறுவனத்தின் விளம்பரதாரர் வெட்சைட்களை மட்டுமே நாம் பார்� ��்க முடியும். ஈஸ்டோனியா நாட்டைச் சேர்ந்த ரோவ் டிஜிட்டல் என்ற நிறுவனம், இது போன்ற டிஎன்எஸ் சேஞ்சர் வைரஸை முன்பு பரப்பி 14 மில்லியன் டாலர் வருவாய் ஈட்டியது.

டி.என்.எஸ் சேஞ்சர் வைரஸ் சம்பந்தப்பட்ட சர்வர்களை அமெரிக்காவின் எப்.பி.ஐ இன்று மூடுகிறது. இதனால், வைரஸ் பாதிக்கும் கம்ப்யூட்டர்களில் இன்று முதல் இன்டர்நெட் பார்ப்பதில� �� தடை ஏற்படும் என இணையதள பாதுகாப்பு நிறுவனம் மெக்அபியின் செய்தி தொடர்பாளர் தெரிவித்துள்ளார். தற்போது உலகம் முழுவதும் 3 லட்சம் கம்ப்யூட்டர்களில் டி.என்.எஸ் சேஞ்சர் வைரஸ் பாதிப்பு ஏற்பட்டுள்ளது.

இந்தியாவில் 50 ஆயிரம் கம்ப்யூட்டர்களில் டிஎன்எஸ் சேஞ்சர் வைரஸ் பாதிப்பு உள்ளதாக 'இந்தியன் கம்ப்யூட்டர் எமர்ஜென்சி ரெஸ்பான்ஸ் டீம் அதிகாரி ஒருவர் கூறியுள்ளார். இவற்றில் பாதி கம்ப்யூட்டர்களில் வைரஸ் பாதிப்பு நீக்கப்பட்டு விட்டன.  மீதமுள்ள கம்ப்யூட்டர்களை கண்டறியும் பணியில் அந்த குழு ஈடுபட்டுள்ளது. அந்த கம்ப்யூட்டர்களில் மட்டும் இன்டர்நெட் பார்ப்பதில் இன்று முதல் தடை ஏற்படலாம்.

comments | | Read More...

விஜயை காதலிப்பாரா ஸ்ருதி?

கௌதம் மேனன் விஜயை வைத்து எடுக்கும் யோஹான்: அத்தியாயம் ஒன்று படத்தில் ஸ்ருதி ஹாசனை நாயகியாக்க பேச்சுவார்த்தை நடந்து வருகிறது.

கௌதம் மேனன் விஜய் இணையும் படம் யோஹான்: அத்தியாயம் ஒன்று. இந்த படத்தில் விஜய்க்கு ஜோடியாக கமல் மகள் ஸ்ருதி ஹாசனை நடிக்க வைக்க அவருடன் பேச்சுவார்த்தை நடந்து வருகிறது. ஏ.ஆர்.ரஹ்மான் இசையமைப்பார் என்று எதி்ர்பார்க்கப்படுகிறது.

இந்தி படங்களில் கவனம் செலுத்த மும்பையில் குடியேறியுள்ள ஸ்ருதியை கௌதம் மேனன் தமிழகத்திற்கு அழைத்து வர முயற்சி செய்து வருகிறார். விஜய் ஏ.ஆர். முருகதாஸின் துப்பாக்கி படத்தில் பிசியாக இருக்கிறார். அந்த படம் வரும் ஆகஸ்ட் 15ம் தேதி ரிலீஸ் ஆகும் என்று எதிர்பார்க்கப்படுகிறது.

அதே போன்று கௌதம் மேனன் ஜீவா, சமந்தாவை வைத்து நீ தானே என் பொன் வசந்தம் படத்தை எடுத்து வருகிறார். இந்த இரண்டு படங்களும் முடிந்த பிறகு ஆகஸ்ட் மாதத்தில் யோஹான் படப்பிடிப்பு துவங்கும் என்று கூறப்படுகிறது.

comments | | Read More...

ராஜபக்சே சொல்லித்தான் தமிழர்களைக் கொன்று குவித்தோம்.. சிங்கள தளபதி 'பகீர்' பேச்சு!

ராஜபக்சேதான் எந்தவித சர்வதேச நெருக்கடி வந்தாலும் அதற்குப் பயப்படாதீர்கள். தொடர்ந்து தாக்குதல் நடத்தி தமிழர் களைக் கொன்று குவியுங்கள் என்று உத்தரவிட்டார். அவரது ஊக்குவிப்பால்தான் எங்களால் தமிழர்களைக் கொல்ல முடிந்தது என்று பச்சையாகவே பேசி சிங்களத்தின் இன அழிப்பை உறுதி செய்துள்ளார் இலங்கை ராணுவ தளபதியான ஜெகத் ஜெயசூரியா.

ஈழப் போரின் இறுதிக் கட்டத்தில் முள்ளிவாய்க்கால் என்ற மிகச் சிறிய பகுதிக்குள் சிக்கிக் கொண்ட 40 ஆயிரத்திற்கும் மேற்பட்ட அப்பாவித் தமிழர்களை கொத்துக் கொத்தாக கொத்து வெடிகுண்டுகளை வீசிக் கொடூரமாகக் கொன்று குவித்தது சிங்கள ராணுவம்.

இந்த நிலையில் இந்தத் தாக்குதலைத் தொடர்ந்து விடாமல் நடத்துமாறும், தமிழர்களைக் கொல்லுமாறும் ராஜபக்சேதான் உத்தரவிட்டதாக இலங்கை ராணுவ தளபதி ஜெயசூர்யா பகிரங்கமாகவே கூற ியுள்ளார்.

குருநாகல் என்ற இடத்தில் நடந்த நிகழ்ச்சியில் கலந்து கொண்டு ஜெயசூரியா கொக்கரித்துப் பேசியதாவது...

கடந்த 2009ம் ஆண்டு இலங்கையின் வடக்குப்பகுதியில் சீனா, ரஷ்யா, இந்தியா போன்ற நாடு� �ளின் உதவியோடு போர் நடத்தினோம். கடைசியாக முள்ளிவாய்க்கால் பகுதியில் போர் நடத்துவதா? வேண்டாமா? என்று தோன்றியது.

ஏனென்றால் அந்த பகுதியில் 45 ஆயிரத்துக்கும் அதிகமான தமிழர்கள் வசித்து வந்தனர். அங்கு குண்டு போட்டால் ஒருவர் கூட மிஞ்ச மாட்டார்கள் என்று நினைத்தோம். மேலும் இறுதிக்கட்ட போரை நடத்தக் கூடாது என்று பல்வேறு நாடுகளும் வலியுறுத்தின.

இதையடுத்து அதிபர் ராஜபக்சேவிடம் ஆலோசனை நடத்தினோம். அப்போது அவர் எக்காரணம் கொண்டும் போரை நிறுத்த வேண்டாம் என்றும், சர்வதேச மிரட்டல்களுக்கு அடி பணியாமல் தொடர்ந்து திட ்டமிட்டபடி தாக்குதல் நடத்துங்கள் என்று என்னிடம் தொலைபேசியில் உத்தரவிட்டார். அவர் கொடுத்த தைரியத்தில்தான் போரை வெற்றிகரமாக நடத்த முடிந்தது.

மேலும் போர்க்காலத்தில் அவர்தான் எங்களுக்கு பலமாக இருந்தார். அவர் மட்டும் மனிதாபிமான அடிப்படையில் இரக்கம் காட்டியிருந்தால் நம்மால் இறுதிக்கட்டப் போரில் வென்றிருக்க முடியாது. இறுதிக்கட்டப் போரில் நாம் வெல்ல உறுதுணையாக இருந்த நாடுகளையும், அவர்கள் செய்த உதவிகளையும் மறக்கவே முடியாது என்று பேசியுள்ளார்.

ராஜபக்சே மனிதாபிமானம் இன்றி நடந்தார், தமிழர்களைக் கொத்துக் கொத்தாக கொல்ல உத்தரவிட்டார், ஊக்குவிப்பு செய்தார் என்று பச்சையாக, பகிரங்கமாக கூறியுள்ளார் ஜெயசூர்யா.

இருந்தாலும் இதுகுறித்தும் சர்வதேச சமுதாயம் எதையும் கண்டுகொள்ளாது என்றே தோன்றுகிறது.

comments | | Read More...