பாரத ரத்னாவுக்கு தகுதியானவர் சச்சின்

Tuesday, 10 April 2012

 

நாட்டின் மிக உயரிய விருதான பாரத ரத்னா விருதுக்கு சச்சின் தகுதியானவர் என்று இந்திய கிரிக்கெட் வீரர் விராட் கோலி தெரிவித்துள்ளார். சச்சின் உண்மையிலேயே பாரத ரத்னா விருதுக்கு தகுதியானவர். அவருடைய 100 சத சாதனைக்கு அருகில்கூட யாராலும் நெருங்கக்கூட முடியாது.

அதற்கு வாய்ப்பேயில்லை என்று நினைக்கிறேன் என்றார். ஐபிஎல் போட்டி குறித்துப் பேசிய அவர், "கடந்த ஐபிஎல் போட்டியில் எனது திறமையை நிரூபிக்க வேண்டிய கட்டாயம் இருந்தது.

ஆனால் இப்போது சர்வதேச அளவில் சிறப்பாக ஆடி திறமையை நிரூபித்துவிட்டதோடு, நல்ல பார்மில் உள்ளதால் எவ்வித நெருக்கடியுமின்றி மகிழ்ச்சியாக விளையாடுவேன்.

இந்த ஐபிஎல்லைப் பொறுத்தவரையில் 18 ஆட்டங்களில் விளையாடவுள்ளோம். அனைத்துப் போட்டிகளுமே சவால் நிறைந்தவை. ஒவ்வொரு போட்டியிலும் சிறப்பாக விளையாட வேண்டும் என்றே காத்திருக்கிறோம்.

கடந்த காலத்தைப் பற்றியோ, வரும் போட்டிகளையோ பற்றியோ அதிக அளவில் சிந்திக்கவில்லை' என்றார்.

சச்சினுக்கு பாரத ரத்னா விருது வழங்குமாறு தனது தலைமையிலான அரசு பரிந்துரைக்கும் என்று மகாராஷ்டிர மாநில முதல்வர் பிருதிவிராஜ் சவாண், மகராஷ்டிர சட்டப்பேரவையில் தெரிவித்துள்ளது குறிப்பிடத்தக்கது.

comments | | Read More...

பெரியபாளையம் அருகே சிறுமியை கடத்தி பாலியல் சித்ரவதை

 

பெரியபாளையத்தை அடுத்த வெங்கல் அருகே உள்ளது வேம்பேடு கிராமம். இந்த கிராமத்தை சேர்ந்தவர் ரகு. லாரி டிரைவர். இவருக்கு 3 பெண் குழந்தைகள் உள்ளனர். சம்பவத்தன்று காலை 2-வது பெண் குழந்தை கோட்டீஸ்வரி (வயது 4) வீட்டு முன்பு விளையாடிக் கொண்டு இருந்தாள். அப்போது மர்ம வாலிபர் சிறுமியை நைசாக அழைத்துச் சென்றார்.

வீட்டில் இருந்து அரை கிலோ மீட்டர் தொலைவில் ஒதுக்குப்புறமாக இருந்த அரசமரத்தடியில் வைத்து சிறுமியை அவன் பாலியல் சித்ரவதை செய்து விட்டு தப்பி விட்டான். அலங்கோலமாக நின்று கொண்டு இருந்த சிறுமி கோட்டீஸ்வரியை அந்த வழியாக வந்தவர்கள் பார்த்து விசாரித்தனர். சிறுமி பாலியியல் சித்ரவதைக்குள்ளானது தெரியவந்தது.

சிகிச்சைக்காக சிறுமி ஸ்டான்லி ஆஸ்பத்திரியில் அனுமதிக்கப்பட்டார். சிறுமியை கடத்தி சித்ரவதை செய்தது யார் என்று தெரியவில்லை. சிறுமி குடும்பத்துக்கு பழக்கமான நபர்தான் இந்த கொடூர செயலில் ஈடுபட்டு இருக்கலாம் என சந்தேகிக்கப்படுகிறது.

வெங்கல் போலீசார் வழக்குப் பதிவு செய்து விசாரணை நடத்தி வருகிறார்கள்.

comments | | Read More...

சிகிச்சைக்கு பின் நாடு திரும்பிய யுவராஜ்சிங்கிற்கு சச்சின் வாழ்த்து

இந்திய கிரிக்கெட் அணியின் அதிரடி பேட்ஸ்மேன்களில் ஒருவரான யுவராஜ்சிங், நுரையீரல் புற்றுநோயால் பாதிக்கப்பட்டு அமெரிக்காவில் சிகிச்சை பெற்று வந்தார். 60 நாட்கள் நடைபெற்ற புற்று நோய் சிகிச்சையில், அவருக்கு 3 முறை கீமோதெரபி சிகிச்சை அளிக்கப்பட்டு ஓரளவு குணமடைந்தார்.

அமெரிக்காவில் சிகிச்சை எடுத்துக் கொண்டதற்குப் பிறகு ஒரு மாத கால ஓய்விற்காக லண்டன் சென்றார்.

ஓய்வுக்கு பிறகு லண்டனில் இருந்து இன்று காலை டெல்லி திரும்பினார். யுவராஜ் சிங்கை அழைத்து செல்ல யுவராஜ்சிங்கின் தாயார் ஷப்னம் மற்றும் அவரது உறவினர்கள் இந்திரா காந்தி விமான நிலையத்திற்கு வந்து அவரை வரவேற்றனர்.

யுவராஜ்சிங் தாயகம் திரும்பும் தகவலை அறிந்து கொண்ட அவரது ரசிகர்களும் அங்கே திரண்டு இருந்தனர்.

சிகிச்சை முடிந்து நாடு திரும்பிய யுவராஜ் சிங்குக்கு நட்சத்திர கிரிக்கெட் வீரரான சச்சின் டெண்டுல்கர் தனது டுவிட்டர் இணையதளத்தில் வாழ்த்து தெரிவித்துள்ளார். அதில் அவர் கூறியிருப்பதாவது:

சீக்கிரமாக குணமடைந்து நாடு திரும்பிய சகோதரார் யுவராஜ்சிங்கிற்கு எனது வாழ்த்துக்கள். கேன்சர் என்னும் நோயுடன் போராடி வென்ற யுவியை மகிழ்ச்சியுடன் வரவேற்கிறேன் என கூறியிருந்தார்.

comments | | Read More...