எந்த ஹீரோவையும் சிம்பு போல அசாத்தியமான திறமையுடன் பார்த்ததில்லை-மல்லிகா ஷெராவத்

Sunday, 6 November 2011

 

 

 

சிம்புவின் ஆட்ட ஸ்டைல் அபாரமாக இருக்கிறது, அதிசயிக்க வைக்கிறது என்று மல்லிகா ஷெராவத் சிலாகித்துக் கூறியுள்ளார்.

 

ஒஸ்தி பாடலில் சிம்பவுடன் சேர்ந்து ஒரு குத்தாட்டப் பாட்டுக்கு செமத்தியான ஆட்டம் போட்டிருக்கிறார் மல்லிகா ஷெராவத் என்பது நினைவிருக்கலாம். அந்த அனுபவம் குறித்து தற்போது சிலாகித்துப் பேசியுள்ளார் மல்லிகா. சிம்புவின் ஆட்டத் திறமையும், ஸ்டைலும் வியக்க வைப்பதாகவும், அதிசயிக்க வைப்பதாகவும் அவர் பாராட்டித் தள்ளியுள்ளார்.

 

மணிரத்தினத்தின் குரு படம் மூலம் தமிழுக்கும் வந்தார் மல்லிகா. பின்னர் தசாவதாரம் படத்தில் கமல்ஹாசனுடன் இணைந்தார். தற்போது சிம்வுடன் குத்தாட்டம் போட்டுள்ளார்.

 

ஒஸ்தி படத்தில் மல்லிகா செமத்தியான ஆட்டம் போட்டிருக்கிறாராம். ஆனால் அவரோ சிம்பு குறித்து சிலாகித்துக் கொண்டிருக்கிறார்.

 

இதுகுறித்து அழர் கூறுகையில், சிம்புவின் ஆட்டத் திறமையும், அவரது ஸ்டைலும் கலக்கலாக இருக்கிறது. அதைப் பார்த்து நான் பிரமித்துப் போய் விட்டேன். அதிசயித்தேன்.

 

எந்த ஹீரோவும் இப்படி ஒரு அசாத்தியமான திறமையுடன் இருப்பதை நான் இதுவரை பார்த்ததே இல்லை. ஒஸ்தி படப் பாடல்கள் செம ஹிட்டாகும் என்பதில் சந்தேகம் இல்லை.

 

சிம்புவின் டான்ஸைப் பார்த்து அசந்து போன நான் இதற்கு முன்பு அவர் நடித்த படங்களின் டான்ஸ் காட்சிகளையும் வீடியோவில் பார்த்து ரசிக்க ஆர்வமாக உள்ளேன். அந்த அளவுக்கு சிம்புவுக்கு நான் ரசிகையாகி விட்டேன்.

 

என்ன மாதிரியான ஸ்டைலில் ஆடச் சொன்னாலும் அசத்தி விடுகிறார் சிம்பு. ஒரு அபாரமான டான்ஸர் அவர் என்று புல்லரித்துப் பேசுகிறார் மல்லிகா.

 

அடடா, மல்லிகாவை அசத்திய அப்படிப்பட்ட ஆட்டத்தை சீக்கிரமாக ரசிகர்களுக்கும் காட்டுங்கப்பா...

comments | | Read More...

ஏய். ஆடு திருடி..!!

 

 

 

பேராண்மை, தென் மேற்குப் பருவக் காற்று ஆகிய படங்களில் நடித்துள்ளவர் வசுந்தரா. தற்போது போராளி படத்தில் முக்கிய வேடத்தில் நடித்துள்ளார். முதலில் தனது பெயரை அதிசயா என்றுதான் வைத்திருந்தார் வசுந்தரா. அந்தப் பெயரில் அவர் வட்டாரம் படத்தில் சிறிய ரோலில் நடித்திருந்தார். பின்னர் வசுநத்ரா என மாற்றி பேராண்மை படத்தில் நான்கு ஹீரோயின்களில் ஒருவராக வந்து போனார். தென் மேற்குப் பருவக் காற்றுதான் இவருக்கு முழு நீள ஹீரோயின் படம். தற்போது போராளி மூலம் கவனிக்கப்படக்கூடிய நாயகியாக மாறியுள்ளார்.

 

தென் மேற்குப் பருவக் காற்று படத்தின் ஷூட்டிங் முழுக்க முழுக்க தேனி சுற்று வட்டாரத்தில் நடந்தது. அதில் இவர் நடித்த ஆடு திருடி கதாபாத்திரம் அப்பகுதி மக்களின் மனதைக் கவர்ந்து விட்டதாம். இந்த நிலையில் போராளி படத்திற்காக அதே தேனிப் பக்கம் ஷூட்டிங் போயிருந்தபோது அவரை அடையாளம் கண்டு கொண்ட கிராமத்து மக்கள் அட நம்ம ஆடு திருடி என்று ஆச்சரியப்பட்டு, ஏய் ஆடு திருடி என்று குரல் கொடுத்த வசுந்தராவை அதிர வைத்தனராம்.

 

முதலில் அதிர்ந்தாலும் தனது கதாபாத்திரம் கிராம மக்களின் மனதோடு ஒன்றிப் போய் விட்டதை உணர்ந்து சந்தோஷப்பட்டாராம் வசுந்தரா. மேலும், நாம் சிறப்பாக நடித்தால், மக்களின் மனதில் சட்டென்று இடம் பிடித்து விடுவோம் என்பதையும் புரிந்து கொண்டாராம். இதனால் போராளி படத்திலும் தனது கேரக்டரில் மிகவும் கவனமாக நடித்துள்ளாராம்.

 

ஆடு திருடியாக நடித்தால் என்ன மனதைத் திருடும் வகையில் நடிப்பதுதான் முக்கியம்.

comments | | Read More...

விக்கெட் கீப்பிங்கில் கிர்மானி சாதனையை முந்தினார் டோனி

 

 

 

வெஸ்ட் இண்டீசுக்கு எதிரான முதலாவது டெஸ்ட் போட்டியில் இந்திய கேப்டனும், விக்கெட் கீப்பருமான டோனி, பிரக்யான் ஓஜா பந்து வீச்சில் வெஸ்ட் இண்டீஸ் தொடக்க ஆட்டக்காரர் பரத்வைட்டை `ஸ்டம்பிங்' செய்து ஆட்டம் இழக்க செய்தார். 62-வது டெஸ்டில் விளையாடும் டோனி வீழ்த்திய 199-வது அவுட் இதுவாகும்.

 

இந்திய வீரர்களில் முன்னாள் விக்கெட் கீப்பர் சையது கிர்மானி 88 டெஸ்டில் விளையாடி 198 விக்கெட்டுகளை ஆட்டம் இழக்க வைத்ததே அதிகபட்சமாக இருந்தது. அந்த சாதனையை நேற்று டோனி தகர்த்தார். மேலும் அவர் அஸ்வின் பந்து வீச்சில் சாமுவேல்ஸ் அடித்த பந்தை கேட்ச் செய்து ஆட்டம் இழக்க செய்தார்.

 

இது அவரது 200-வது விக்கெட் சாய்ப்பாகும். டோனி 174 பேரை கேட்ச் செய்தும், 26 பேரை ஸ்டம்பிங் செய்தும் ஆட்டம் இழக்க வைத்துள்ளார். டெஸ்ட் கிரிக்கெட்டில் அதிக விக்கெட்டுகளை ஆட்டம் இழக்க வைத்த விக்கெட் கீப்பர்கள் வரிசையில் தென் ஆப்பிரிக்காவை சேர்ந்த பவுச்சர் (139 டெஸ்டில் 521 அவுட்) முதலிடத்தில் உள்ளார்.

 

டோனி இந்த வரிசையில் 13-வது இடத்தில் உள்ளார். டோனி, கிர்மானி தவிர இந்திய விக்கெட் கீப்பர்களில் கிரன்மோரே (49 டெஸ்டில் 130 அவுட்), நயன் மோங்கியா (44 டெஸ்டில் 107 அவுட்) மட்டுமே 100-க்கு அதிகமான விக்கெட்டுகளை ஆட்டம் இழக்க வைத்துள்ளனர்.

comments | | Read More...