பிரபுசாலமனின் அடுத்த படத்தில் ஆர்யா

Tuesday, 28 February 2012

 

`மைனா' படம் மூலம் பிரபலமான பிரபு சாலமன் தற்போது `கும்கி' படத்தை இயக்கி வருகிறார். இது முடிந்ததும் ஆர்யாவை வைத்து படம் எடுக்கிறார். இது ஆக்ஷன் கதையாம். இதர நடிகர், நடிகை, தொழில்நுட்ப கலைஞர்கள் தேர்வு நடக்கிறது.

comments | | Read More...

தமிழிற்கு வரும் ஒஸ்கார் நாயகி

 

ரஜினிகாந்த், கமல் ஹாசன் ஆகியோர் உள்ள கோலிவுட்டில் நடிப்பதில் பெருமையாக உள்ளது என்று ஆஸ்கர் விருது பெற்ற ஸ்லம்டாக் மில்லியனர் படத்தில் நடித்த தன்வி கணேஷ் லோன்கர் தெரிவித்துள்ளார்.

ஸ்டூடண்ட் ஸ்டூடியோ காம் தயாரிக்கும் காதல் தீவு படத்தில் ஆஸ்கர் விருது பெற்ற ஸ்லம்டாக் மில்லியனர் படத்தில் சிறுவயது நாயகியாக நடித்த தன்வி லோன்கர் இதில் நாயகியாக நடிக்கிறார். அழகி படத்தில் சிறு வயது பார்த்திபனாக வந்த ராம்சரண் நாயகனாக நடிக்கிறார். இந்த படத்தை அரும்பு மீசை குறும்பு பார்வை படத்தின் இயக்குனர் வெற்றி வீரன் இயக்குகிறார்.

இந்த படத்தின் அறிமுக நிகழ்ச்சி விருகம்பாக்கத்தில் உள்ள நேஷனல் தியேட்டரில் நேற்று நடந்தது. அதில் கலந்து கொண்ட தன்வி லோன்கருக்கு நடிகர்கள் சத்யராஜ், பிரசன்னா, நடிகை தன்ஷிகா ஆகியோர் பூச்செண்டு கொடுத்து வாழ்த்தினர்.

பின்னர் தன்வி லோன்கர் செய்தியாளர்களிடம் கூறியதாவது,

நான் மகாராஷ்டிராவைச் சேர்ந்தவள். ஸ்லம்டாக் மில்லியனர் படத்தில் நடித்ததை பெருமையாக நினைக்கிறேன். அந்த படத்தின் நாயகி ப்ரீடா பின்டோ ஆஸ்கர் விருது விழாவுக்கு என்னை அழைத்துச் சென்றார். அப்போது உலகின் பெரிய நடிகர்-நடிகைகளை பார்க்கும் வாய்ப்பு கிடைத்தது.

அந்த படத்தை அடுத்து டீன் ஏஜ் என்ற கன்னட படத்தில் நடித்தேன். அந்த படத்தை பார்த்து தான் தற்போது எனக்கு காதல் தீவு என்ற தமிழ் படத்தில் நடிக்க வாய்ப்பு கிடைத்துள்ளது. இதில் வெளிநாட்டில் இருந்து இந்தியாவுக்கு வரும் மாணவியாக நடிக்கிறேன். நடிப்பதற்கு நிறைய வாய்ப்புள்ள கதாபாத்திரம் கிடைத்துள்ளது.

நான் வடநாட்டு பெண் என்றாலும் எனக்கு பாலிவுட்டில் நடிக்க வாய்ப்பு கிடைக்கவில்லை. அங்கு வாரிசு நடிகர்-நடிகைகளின் ஆதிக்கம் அதிகம் உள்ளதால் நாயகி வாய்ப்பு கிடைப்பது எளிதல்ல.

சினிமா பின்னணி இருந்தால் தான் பாலிவுட்டில் நுழைய முடியும். ஆனால் கோலிவுட்டில் அப்படியல்ல. நான் தமிழ் பட உலகம் பற்றி நிறைய கேள்விப்பட்டிருக்கிறேன். உலகப் புகழ் பெற்ற ரஜினிகாந்தும், தமிழில் இருந்து இந்திக்கு வந்து புகழ் கொடி நாட்டிய கமல் ஹாசனும் இங்கே தான் இருக்கின்றனர். அப்பேர்பட்ட கோலிவுட்டில் நடிப்பதை பெருமையாக நினைக்கிறேன்.

இங்கு திறமையை மதிக்கிறார்கள். அசின், ஜெனிலியா போன்ற நடிகைகள் இங்கிருந்து பாலிவுட்டுக்கு வந்து பிரபலமாகியுள்ளனர். நான் விரைவில் தமிழில் நம்பர் 1 இடத்தை பிடிப்பேன். அதற்காக தமிழ் கற்றுக்கொள்ளப் போகிறேன் என்றார்.

comments | | Read More...

மீண்டும் சேலத்தில் தலைதூக்யுள்ள அழகிகளின் குத்தாட்டம்!

 

சில வருடங்களுக்கு முன்பு கோவில் திருவிழா காலங்களில் பட்டிமன்றம், வழக்காடு மன்றம், புராண நடகம் என்று பொழுதுபோக்குடன் அறிவை வளர்க்கும் நிகழ்ச்சிகள் இடம் பெற்றிருந்தது. சமீபகாலமாக அறிவியல் முன்னேற்றம், நவநாகரீகம் என்ற போலியான முகமூடி அணிந்து நமது இளைஞர்களை தவறான பாதைக்கு வழி நடத்தி செல்லும் அம்சங்கள் பெருகி வருகின்றன.

குறிப்பாக செல்போன் பயன்படுத்தும் இளைஞர்கள் பெரும்பாலானோர் வலைத்தளங்களில் உலாவரும் ஆபாச படங்களுக்கும், மனதை திசைத்திருப்பும் குருந்தகவல்களுக்கும் பலியாகி வருவது வருந்தத்தக்க ஒன்றாக இருந்து வருகிறது. இந்த நிலையில் கடந்த சில ஆண்டுகளாக சேலம் மாவட்ட கலெக்டரால் தடை செய்திருந்த அழகளிகளின் குத்தாட்டம் தற்போது மீண்டும் தலை தூக்க தொடங்கி இருப்பது பெற்றோர் மத்தியில் அச்சத்தை ஏற்படுத்தியுள்ளது.

விழாக் காலங்களில் இளைஞர்களை குறி வைத்து நடத்தப்படும் இந்த நிகழ்ச்சி அதிர வைக்கும் ஒளி, ஒலி அமைப்புடன் இரவு 10 மணிக்கு மேல் தொடங்கப்படும். இந்த நிகழ்ச்சியில் பல்வேறு மாநிலங்களிலிருந்தும், தலைநகர் சென்னையிலிருந்தும் வர வழைக்கப்பட்ட நடன அழகிகளுடன் உள்ளூர் மற்றும் நடன குழுவை சேர்ந்த இளைஞர்கள் ஆடத் தொடங்குவார்கள் முதலில் பக்தி பரவசத்துடன் தொடங்கும் நடன நிகழ்ச்சி நேரம் செல்லச் செல்ல இளைஞர்களை சூடேற்றும் வகையில் இருக்கும்

நடு இரவு நேரத்தில் அதற்காகவே தனித்துவமாக தேர்வு செய்யப்பட்ட முக்கல் முனகல் பாடல்கள் இசைக்கத்தொடங்கும். பின்னர் மேடையில் அரை குறை ஆடையுடன் "தீ பிடிக்க தீ பிடிக்க முத்தம் கொடுடா" என்றும்" மே மாதம் 98-ல் மேஜரானே" என்று அங்கங்களை குலுக்கி நடனமாடும் அழகிகளின் குத்தாட்டம் களைகட்டும்.

இதன் உச்சக்கட்டமாக "நிலா காயுது" என்ற பாடலுக்கு அழகிகள் மேடையிலேயே அங்கங்கள் தெரிய சோப்பு போட்டு குளிப்பதுதான் நிகழ்ச்சியின் `ஹைலைட்'. இதை எதிர்பார்த்து காத்திருக்கும் இளைஞர் கூட்டம் ஆரவாரத்தில் கைத் தட்டி மகிழ்ச்சியை வெளிபடுத்துவார்கள்.

சேலம் மாவட்டத்தின் பல பகுதிகளில் தற்போது பிரபலமாக நடைபெறும் இந்த குத்தாட்ட நிகழ்ச்சியை காண்பதற்காக சுற்றுப்புற பகுதி கல்லூரி மாணவர்களும், இளைஞர்களும் ஏராளமாக திரளுகிறார்கள். இது போன்ற பல நிகழ்ச்சிகளில் இளைஞர்களுக்குள் கோஷ்டி மோதலும், கைகலப்பும் ஏற்பட்டு காவல் நிலையம் சென்ற சம்பவங்கள் ஏராளம்.

வெளிமாநில அழகிகளுடன் ஒரு பாடல்களுக்கு சேர்ந்து நடனம் ஆட உள்ளூர் இளைஞர்களிடம் குறிப்பிட்ட தொகை வாங்கப்படுவதாகவும் இவ்வாறு நடன நிகழ்ச்சி என்ற போர்வையில் அடையாளம் தெரியாத பல ஆண்கள் உள்ளூரில் வலம் வருவது பொதுமக்களின் பாதுகாப்பிற்க்கு சவால் விடும் சமூக விரோதிகள் ஊடுருவ வாய்ப்பாக அமைந்து உள்ளது என்று பொதுமக்கள் கருத்து தெரிவித்து உள்ளனர்.

இது போன்ற நடன நிகழ்ச்சிகளை தடை செய்வது தங்கள் வாழ் வாதாரத்தை பாதிக்கிறது என்று கூறினாலும் லட்சக்கணக்கான இளைஞர்களின் எதிர்காலத்தையும், கலாச்சார சீரழிவையும் கருத்தில் கொண்டு மாவட்ட நிர்வாகமும், காவல்துறையும் இதை சீர்செய்ய வேண்டும் என்பதே அனைத்து தரப்பு மக்களின் முக்கிய எதிர்பார்ப்பாக உள்ளது.

comments | | Read More...