கார்த்தியின் படத்தில் இருந்து நாயகி விலகல்

Saturday, 25 February 2012

 

கொலிவுட் நாயகன் கார்த்தி நடிக்கும் புதிய திரைப்படத்திலிருந்து நாயகி மேக்னா விலகியுள்ளார்.
கொலிவுட் நாயகன் கார்த்தி சகுனி திரைப்படத்திற்கு பின்பு சுராஜ் இயக்கத்தில் நடிக்கிறார்.
இந்த படத்தில் நாயகன் கார்த்தியுடன் நடிப்பதற்கு நான்கு நாயகிகளை இயக்குனர் சுராஜ் ஒப்பந்தம் செய்திருந்தார்.

கார்த்திக்கு ஜோடியாக முன்னணி நாயகி அனுஷ்கா நடிக்கிறார். இவரைத் தொடர்ந்து நிகிதா, மேக்னா, சனுஷா ஆகியோரை சுராஜ் ஒப்பந்தம் செய்திருந்தார்.

இந்நிலையில் மேக்னா இந்த படத்திலிருந்து விலகுவதாக அறிவித்துள்ளார். இதுபற்றி மேக்னா கூறியதாவது, எனக்கு படத்தில் தரப்பட்ட வேடம் திருப்தியாக இல்லை. சுராஜ் என்னுடைய நண்பர்.

என்னுடைய கருத்தை சொல்ல வாய்ப்பு தந்தார். நான் படத்திலிருந்து விலக விரும்புவதாக தெரிவித்தபோது அதை ஏற்றுக்கொண்டார்.

மேலும் மற்றொரு படத்தில் இருவரும் இணைந்து பணியாற்றலாம் என்று சுராஜ் தெரிவித்ததாக கூறியுள்ளார்.

தற்போது மலையாள படங்களில் நடித்து வருவதாகவும் மேக்னா தெரிவித்துள்ளார்.

comments | | Read More...

இயக்குனர் வெற்றிமாறன் தயாரிப்பாளராக புது அவதாரம்

 

தமிழில் பொல்லாதவன், ஆடுகளம் என இயக்கியது இரண்டு படங்கள் தான் என்றாலும், அதில் ஒரு படத்திற்கு தேசிய விருது வாங்கி சாதித்திருப்பவர் வெற்றிமாறன். பெயரிலேயே வெற்றியை கொண்டு, டைரக்ஷ்னில் வெற்றி கண்ட வெற்றிமாறன், அடுத்தபடியாக தயாரிப்பிலும் கால்பதித்து உள்ளார். புதிதாக கிராஸ் ரூட் பிலிம் கம்பெனி ஒன்றை தொடங்கி இருக்கிறார். இதில் சித்தார்த்தை ஹீரோவாக வைத்து ஒரு படத்தை தயாரிக்க இருக்கிறார். தன்னிடம் உதவியாளராக இருந்த மணிகண்டன் என்பவரை இப்படத்தின் மூலம் இயக்குநராக அவதரிக்க வைக்கிறார். படத்தை தயாரிப்பதுடன் கதையும், திரைக்கதையும் அமைத்து இருக்கிறார் வெற்றி. அப்படியே தன்னுடைய ஆஸ்தான நடிகரான கிஷோரையும் இந்தபடத்தில் ஒரு முக்கிய ரோலில் நடிக்க வைக்கிறார். படத்திற்கு என்.ஹெச்-4 என்று பெயர் வைத்துள்ளனர். தற்போது கதாநாயகிக்கான தேடுதல் வேட்டை நடந்து வருகிறது. படம் பற்றிய முழு அறிவிப்பு மார்ச் முதல்வாரத்தில் வெளியாகும் எனத் தெரிகிறது.

இதனிடையே நடிகர் சித்தார்த்தும் இதனை உறுதிபடுத்தி இருக்கிறார். தன்னுடைய ட்விட்டர் வலைதளத்தில், தான் வெற்றிமாறன் தயாரிப்பில் நடிக்கப்போவதாகவும், அதற்காக காத்திருப்பதாகவும் கூறியுள்ளார்.

comments | | Read More...

இயக்குனர் அவதாரம் எடுக்க இருக்கும் நடிகை காயத்ரி ரகுராம்

நடிகையும், நடன இயக்குனருமான காயத்ரி ரகுராம் இயக்குனர் அவதாரம் எடுக்கப்போகிறார். விசில், சார்லி சாப்ளின் உள்ளிட்ட ஒருசில படங்களில் கதாநாயகியாக நடித்த காயத்ரி ரகுராம், பட வாய்ப்புகள் குறைந்ததால் நடன இயக்குனராக திரையுலகை வலம் வந்து கொண்டிருக்கிறார். விரைவில் அவர் நடனம் சம்பந்தப்பட்ட புதிய படமொன்றை இயக்கவுள்ளார்.

இதுபற்றி காயத்ரி அளித்துள்ள பேட்டியில், இயக்குனர் ஆக வேண்டும் என்பதுதான் எனது நீண்டநாள் கனவு. அதற்கான கதையும் முன்பே தயாராக வைத்திருந்தேன். வெளிநாட்டில் இருந்தபோது இயக்குனருக்கான படிப்பும் படித்தேன். என்னிடம் உள்ள கதையை, திரைக்கதையாக்கும் பணியில் மும்முரமாக இருக்கிறேன். நடனத்துக்கு முக்கியத்துவம் வாய்ந்த கதை என்பதால் அதற்கான நடிகர், நடிகைகளை தேர்வு செய்த பிறகு மற்ற விவரங்களை பற்றி அறிவிப்பேன். தற்போது 5 படங்களுக்கு நடனம் அமைத்து வருகிறேன். படம் இயக்கினாலும் தொடர்ந்து நடன இயக்குனராகவும் பணியாற்றுவேன், என்று கூறியுள்ளார்.

comments | | Read More...