பூந்தமல்லி முகாமில் உள்ள ஈழத் தமிழர்களை விடுதலை செய்ய வேண்டும் : சீமான் கோரிக்கை

Saturday, 11 February 2012

 

சந்தேகத்தின் பேரில் கைது செய்யப்பட்டு 2 ஆண்டுகளாக பூந்தமல்லி சிறப்பு முகாமில் தங்க வைக்கப்பட்டடுள்ள இலங்கைத் தமிழர்களை விடுதலை செய்ய வேண்டும் என நாம் தமிழர் கட்சித் தலைவர் சீமான் தெரிவித்துள்ளார்.

இது தொடர்பில் நாம் தமிழர் கட்சி தலைவர் சீமான் வெளியிட்டுள்ள அறிக்கையில்,

சந்தேகத்தின் பேரில் கைது செய்யப்பட்டு 2 ஆண்டுகளாக பூந்தமல்லி சிறப்பு முகாமில் அடைத்து வைக்கப்பட்டுள்ளவர்கள் தங்கள் மீது தொடரப்பட்டுள்ள வழக்குகளை நீதிமன்றத்திற்கு கொண்டு சென்று விசாரணைக்கு உட்படுத்தாமல் பிணைய விடுதலை உள்ளிட்ட சட்ட ரீதியான எந்த வழியையும் நாட விடாமல் தங்களை கியூ பிரிவு போலிசார் தடுக்கின்றனர்

என்று கூறி உண்ணாவிரத போராட்டம் நடத்தி வருகின்றனர். அவர்கள் தங்களை விடுவித்து மற்ற முகாம்களில் உள்ள தங்கள் உறவுகளுடன் சேர்ந்து வாழ அனுமதித்திட வேண்டும் என்ற கோரிக்கையை முன் வைத்து கடந்த 10 நாட்களாக உண்ணாவிரத போராட்டத்தில் ஈடுபட்டு வருகின்றனர்.

போராட்டத்தில் அவர்கள் ஈடுபடும் போதெல்லாம் விரைவில் உங்களை விடுதலை செய்கிறோம் என்று மாவட்ட நிர்வாகம் அவர்களுக்கு உறுதியளித்து போராட்டத்தை கைவிடுமாறு செய்கிறது. அவர்கள் போராட்டத்தை கைவிட்ட பிறகு அளித்த உறுதி மொழியை மறந்து விடுகிறது.

இப்படி தொடர்ந்து ஏமாற்றப்பட்டு வந்த இவர்கள் இப்போது மீண்டும் உண்ணாவிரத போராட்டம் நடத்தி வருகின்றனர்.

எனவே தமிழக அரசு அவர்களின் நியாயமான, சட்டப்பூர்வமான கோரிக்கையை மனிதாபிமானத்தோடு பரிசீலித்து அவர்களை உடனடியாக விடுவிக்க வேண்டும் என்று நாம் தமிழர் கட்சி கேட்டுக் கொள்கிறது என்று கூறப்பட்டுள்ளது.

comments | | Read More...

7-ஆம் வகுப்பு மாணவியை 6 மாதமாக கற்பழித்த ஆசிரியர் கைது

 

 

 

கர்நாடக மாநிலம் பெல்லாரி அருகே உள்ள கொர்லா கண்டியில் அரசு மேல்நிலைப்பள்ளி இருக்கிறது. இந்த பள்ளிக்கூடத்தில் கணக்கு ஆசிரியராக வேலை பார்த்தவர் அனுமந்தப்பா (38). இவர் 7-வது வகுப்பு மாணவிகளுக்கு கணக்கு பாடம் எடுத்து வந்தார்.

 

இந்த வகுப்பில் பாடம் படித்த 13 வயது மாணவியிடம் ஆசிரியர் அனுமந்தப்பா, "நீ இப்படி படித்தால் 'பாஸ்' ஆக முடியாது. எனவே வகுப்பு முடிந்த பிறகு உனக்கு தனியாக பாடம் எடுக்கிறேன் வா" என்றார். ஆசிரியரின் வார்த்தையை நம்பி அந்த மாணவி பாடம் படிக்கச் சென்றார்.

 

ஆரம்பத்தில் பாடம் சொல்லிக் கொடுத்த அவர், பின்னர் மாணவியின் ஆசையை தூண்டும் வகையில் நடந்து கொண்டார். மாணவியிடம் தவறாக நடக்க முயன்ற ஆசிரியரின் விருப்பத்துக்கு மாணவி உடன்படவில்லை. எனவே, "நான் சொல்வது போல் நீ நடக்காவிட்டால் உன்னை 7-வது வகுப்பில் 'பெயில்' ஆக்கி விடுவேன்" என்று மிரட்டினார்.

 

இதனால் பயந்துபோன மாணவியை ஆசிரியர் அனுமந்தப்பா கட்டாயப்படுத்தி கற்பழித்துள்ளார். இதுபோல் 6 மாதம் அந்த மாணவியை தன் ஆசைக்கு அவர் பயன்படுத்தி இருக்கிறார்.

 

குடியரசு தினவிழா அன்று பள்ளிக்கு சென்ற மாணவியை, தனியாக வரும்படி ஆசிரியர் அழைத்துள்ளார். ஆனால் மாணவி அவரது பிடியில் சிக்காமல் வீட்டுக்கு சென்று விட்டாள். இதனால் ஆசிரியரின் தொந்தரவு அதிகமானது.

 

தனது மன உளைச்சல் குறித்து மாணவி தனது தோழிகளிடம் தெரிவித்தார். தகவல் தலைமை ஆசிரியருக்கு சென்றது. தாய் இல்லாத அந்த மாணவி தனது பாட்டியுடனும், விவசாயியான தந்தையுடனும் வசித்து வந்தார்.

 

அவளுக்கு நடந்த இந்த கொடுமை குறித்து விசாரணை நடத்தப்பட்டது. அதில் ஆசிரியர் 6 மாதமாக மாணவியை மிரட்டி கற்பழித்த உண்மை தெரிய வந்தது. இதையடுத்து, பள்ளி வளர்ச்சி கண்காணிப்புக் குழு மூலம் ஆசிரியர் அனுமந்தப்பா குறித்து போலீசில் புகார் செய்யப்பட்டது.

 

அவரை போலீசார் கைது செய்து சிறையில் அடைத்தனர். ஆசிரியர் வேலையில் இருந்தும் அனுமந்தப்பா 'டிஸ்மிஸ்' செய்யப்பட்டார்.

 

 

comments | | Read More...

ஆஸ்திரேலியாவில் மிகப்பெரிய திரையில் சினிமா படம் ஒளிபரப்பு

 

 

 

ஆஸ்திரேலியாவில் உள்ள சிட்னியில் உலகிலேயே மிகப்பெரிய வடிவிலான திரையில் சினிமா படம் திரையிடப்பட்டது. அதற்காக அங்குள்ள இமாஸ் திரையரங்கில் 29.7 மீட்டர் உயரம், 35.7 மீட்டர் அகல அளவில் திரை கட்டப்பட்டது.

 

அந்த திரை ரூ. 1 கோடியே 25 லட்சம் மதிப்பில் தயாரிக்கப்பட்டது. அதில் 350 எடை சில்வர் நிற பெயிண்ட் அடிக்கப்பட்டது. அவை கனடாவில் இருந்து இறக்குமதி செய்யப்பட்டது. 800 கிலோ எடையுள்ள அந்த திரை 20 பாய் மரக்கப்பலில் கட்டப்படும் திரை அளவு கொண்டதாக இருந்தது.

 

இதில் 3டி (முப்பரிமாணம்) போன்று அந்த படம் தெரிந்தது. இதை அதற்குரிய கண்கண்ணாடி மூலமும் மற்றும் வெறுங்கண்ணாலும் பார்க்க முடிந்தது. இதற்கு அந்த திரையில் அடிக்கப்பட்ட விஷேச சில்வர் பெயிண்ட்டின் தரமே காரணம் என இமாஸ் திரையரங்கின் தலைமை செயல் அலுவலர் மார்க் பிரதர்டன் தெரிவித்தார்.

comments | | Read More...