த்ரிஷா கார்த்திகா - 'தாமு'

Monday, 31 October 2011

 

 

 

'மங்காத்தா' படத்தினை தொடர்ந்து, த்ரிஷா விஷாலுடன் 'சமரன்' படத்தில் நடிக்க ஒப்பந்தம் ஆகி இருக்கிறார்.

 

த்ரிஷாவிற்கு கல்யாணம் செய்ய இருக்கிறார்கள் அதனால் தான் படங்களை ஒப்பு கொள்ளாமல் இருக்கிறார் என்று தகவல்கள் வெளியாகின. ஆனால் அவர், இப்போதைக்கு தனக்கு கல்யாணம் இல்லை என்று அறிவித்தார்.

 

த்ரிஷா தெலுங்கு சினிமாவில் தற்போது 'பாடிகார்ட்' படத்தில் வெங்கடேஷுடன் இணைந்து நடித்து வருகிறார். மேலும் ஜுனியர் என்.டி.ஆருடன் இணைந்து ஒரு படத்தில் நடிக்க ஒப்பந்தம் ஆகியிருக்கிறார்.

 

முதலில் அப்படத்தில் நடிக்க ஒப்பந்தம் ஆனவர் ஸ்ருதிஹாசன். பிறகு கால்ஷீட் பிரச்னையால் ஸ்ருதிக்கு பதிலாக காஜல் அகர்வாலை ஒப்பந்தம் செய்ய நினைத்து அவரை அணுக, காஜல் கேட்ட சம்பளத்தால் திணறிப் போய், தற்போது த்ரிஷாவை ஒப்பந்தம் செய்து இருக்கிறார்கள்.

 

த்ரிஷாவுடன் இணைந்து 'கோ' படத்தில் நாயகியாக அறிமுகமான கார்த்திகாவும் நடிக்க இருக்கிறார். முதல் நாயகியாக த்ரிஷாவும் இரண்டாம் நாயகியாக கார்த்திகாவும் நடிக்க இருக்கிறார்கள். படத்திற்கு ' தாமு ' என்று பெயரிட்டு இருக்கிறார்கள்.

comments | | Read More...

மருத்துவமனையில் மனோரமா- கமல்ஹாசன் நேரில் நலம் விசாரித்தார்

 

 

 

 

பிரபல நடிகை மனோரமா தலையில் அடிபட்டு சென்னையில் உள்ள தனியார் மருத்துவமனையில் சிகிச்சை பெற்று வருகிறார். அவரை நடிகர் கமல்ஹாசன் நேரில் சென்று பார்த்து நலம் விசாரி்த்தார். இதேபோல திரையுலகைச் சேர்ந்த பலரும் நலம் விசாரித்து வருகின்றனர்.

 

பழம்பெரும் நடிகையான மனோரமா, சமீபத்தில் தனது வீட்டு குளியலறையில் வழுக்கி விழுந்து விட்டார். இதனால் அவரது தலையில் அடிபட்டு விட்டது. இதையடுத்து அவரை தனியார் மருத்துவமனை ஒன்றுக்குக் கொண்டு சென்று அனுமதித்தனர். அங்கு அவருக்கு ஸ்கேன் செய்து பார்க்கப்பட்டது.

 

அப்போது தலையில் ரத்தக் கசிவும், உறைவும் இருப்பதை டாக்டர்கள் கண்டுபிடித்தனர். இதை அகற்ற நாளை அவருக்கு அறுவைச் சிகிச்சை மேற்கொள்ளப்படவுள்ளது. மேலும் அவர் கோமாவில் இல்லை என்றும் நல்ல நினைவுடன் நலமுடன் உள்ளதாக அவரது மகன் பூபதி கூறியுள்ளார்.

 

இந்த நிலையில் நேற்று மாலை நடிகர் கமல்ஹாசன் மருத்துவமனைக்கு நேரில் வந்து மனோரமாவை நேரில் பார்த்து நலம் விசாரித்தார். அதேபோல நடிகை அனுஷ்காவும் நேரில் வந்து நலம் விசாரித்தார். திரையுலகைச் சேர்ந்த பலரும் நலம் விசாரித்துள்ளனர்.

 

மனோரமாவின் உடல் நலம் குறித்து மகன் பூபதி கூறுகையில், அறுவை சிகிச்சை முடிந்தவுடன் இரண்டு நாள்களில் வீடு திரும்பலாம் என டாக்டர்கள் தெரிவித்துள்ளனர் என்றார்.

comments | | Read More...

ரேப் சீனுக்கு மட்டும் தான் கூப்பிடுறாங்க: வருத்தப்படும் நடிகை

 

 

 

பாலியல் பலாத்கார காட்சிகள் நடிக்கத் தான் என்னை அதிகம் அழைக்கிறார்கள் என்று பாலிவுட் நடிகை ராக்கி சாவந்த் வருத்தப்படுகிறார்.

 

நடிகை ராக்கி சாவந்த் தனது நடிப்பை விட சர்ச்சைகளுக்கு பெயர் போனவர். ஏதாவது வாயைக் கொடுத்து வம்பில் மாட்டிக் கொள்வார். சமீபத்தில் பாபா ராம்தேவை திருமணம் செய்து கொள்ள ஆசை என்று கூறி பரபரப்பை ஏற்படுத்தினார்.

 

இந்த நிலையில் ராக்கி வித்தியாசமாக ஒரு புலம்பலை வெளியிட்டுள்ளார். எனக்கு பலாத்கார காட்சிகளில் நடிக்கத் தான் வாய்ப்புகள் வருகின்றது. ஆனால் எனக்கு உடம்பைக் காட்டி நடிக்க எனக்கு விருப்பமில்லை. என்னை ஏன் இப்படிபட்ட காட்சியில் நடிக்க கூப்பிடுகிறார்கள் என்று வருத்தமாக உள்ளது என்று ராக்கி தெரிவித்துள்ளார். மேலும் கூடவே, ஜான் ஆபிரகாம் மற்றும் தீபிகா படுகோனேவையும் வம்புக்கிழுத்துள்ளார்.

 

இது குறித்து அவர் மேலும் கூறியதாவது,

 

நான் ஆடும் பாடல்கள் ஆபாசமாக உள்ளது என்று தணிக்கை குழு நிராகரிக்கிறது. ஆனால் என் பாடல்களை விட ஆபாசமான 200 பாடல்களை என்னால் காட்ட முடியும்( எடுத்துக்காட்டாக ஜான் ஆபிகாம் மற்றும் தீபிகா படுகோனே பாடல்கள்). கான், கபூர், பச்சன் குடும்பத்தைச் சேர்ந்தவள் அல்ல என்பதற்காக தணிக்கைக் குழு என்னையே குறி வைக்கக் கூடாது.

 

இத்தனை நாட்களாக டிவியில் கவனம் செலுத்தினேன். தற்போது புதிய உதவியாளரை பணியமர்த்தியுள்ளேன். விரைவில் என்னை பெரிய திரையில் பார்க்கலாம். சூப்பர் ஸ்டார் ரஜினிகாந்த், சிரஞ்சீவி, அவரது மகன் ராம் சரண் தேஜாவுடன் நடிக்க ஆசையாக உள்ளது என்றார்.

comments | | Read More...